அஅஅ படத்தில் சிம்பு பஞ்ச பேசியப்பொழுது ஏற்பட்ட மின்னல் தாக்கி 8 பேர் பலி

Filed under: Featured,Latest,Simbu Vambu,TR-agedy |

மதுரை: சிம்புவிற்கு பிரச்சனை என்பது புதிதல்ல. அத்தனை பிரச்சனைகளையும் தாண்டி அவரது படங்கள் வெளியாகி வருகின்றன. ஆனால், அவரது சமீபத்திய திரைப்படத்தினால் அவருக்கு வேறு ரூபத்தில் பிரச்சனை எழுந்துள்ளது.

SimbuAAAMinnal

இந்த காட்சியில் சிம்பு பஞ்ச வசனம் பேசுகையில் வானில் உருவாகிய மின்னல் தாக்கியதில் ஓர் கல்லூரி மாணவர் பரிதாபமாக உயிரிழந்தார்.

சிம்பு நடிப்பில் வெளியான அன்பானவன் அசராதவன் அடங்காதவன் உலகெங்கிலும் வெளியாகி தற்பொழுது வெற்றிடநடை போட்டுக்கொண்டிருக்கிறது. இந்த படத்தில் மதுரை மைக்கேல் எனும் ரவுடி கதாப்பாத்திரத்தில் நடித்துள்ளார் சிம்பு. தற்பொழுது, இந்த படத்தினால் 8 பேர் இறந்துள்ளதாக செய்திகள் வெளியானது பெரும் அதிர்ச்சியை ஏற்படுத்தியுள்ளது.

“உயிரிழந்த எட்டு பேரில், ஐவர் மதுரையை சேர்ந்தவர்கள், மற்றும் மூவர் பாண்டியை சேர்ந்தவர்கள். சாலையோரமாக நடந்துக்கொண்டிருந்த கேசவன் என்கிற 45 வயது மதிக்கத்தக்க குடும்பத்தலைவர் கடந்த மார்ச் மாதம் மின்னல் தாக்கி உயிரிழந்தார். மழையே இல்லாமல், மேகங்கள் பெரிதும் கூடாமல் இவரை எவ்வாறு மின்னல் தாக்கியது என மருத்துவர்கள் மற்றும் காவல்த்துறையினர் குழம்பிப்போய் இருந்தனர். அதேப்போல், அதே மாத இறுதியில் இன்னொரு 30 வயது ஆசாமி மின்னல் தாக்கி இறந்தார்.” என் மர்ம முடிச்சுகளை போடத்துவங்கினர் ஓர் காவல்த்துறை அதிகாரி.

“இதேப்போல ஜனவரி, பிப்ரவரி மாதங்களில் மூன்று பேர் மின்னல் தாக்கி இறந்ததும் எங்களுக்கு தெரியவந்தது. இது மட்டுமல்லாமல், ஏப்ரல் மாதத்தில் பாண்டியில் மூவர் மின்னல் தாக்கி ஒரே இரவில் இறந்துள்ளனர். வேடிக்கை என்னவென்றால் அப்பொழுது மழை இல்லை. மேகமும் இல்லை. எங்கிருந்து மின்னல் வந்தது என்று அனைவரும் குழம்பி இருந்தனர். ஆனால், அதற்கான காரணத்தை தற்பொழுது நாங்கள் கண்டறிந்துவிட்டோம்.” என மர்ம முடிச்சுகளை கழற்ற ஆரம்பித்தார் அதே அதிகாரி.

“நேற்று முன்தினம் குடும்பத்துடன் சிம்பு அவர்களின் அன்பானவன் அசராதவன் அடங்காதவன் திரைப்படம் பார்க்க சென்றேன். அப்பொழுது, சிம்பு பஞ்ச வசனம் பேசியப்பொழுதெல்லாம் பின்னாலே மின்னல் பளிச்சிட்டது. அதே நேரம், எனது மூளையும் பளிச்சிட்டது. படம் முடிந்த கையுடன், அசராமல், அத்திரைப்படத்தின் படப்பிடிப்பு நடந்த நேரங்களை பற்றிய விவரங்களை சேகரித்தேன். இயக்குனரை அணுகியதில், அவர் கூறிய சிம்பு பஞ்ச நேரமும், இந்த எட்டு பேரை மின்னல் தாக்கிய நேரமும் ஒன்றே என தெரியவந்தது.” என முடித்தார் அந்த அதிகாரி.

இதனால் சிம்புவிற்கு ஏதேனும் பிரச்சனை வருமா என நாம் கேட்டதற்கு, “அவர் மீது வழக்கு தொடர்வது கடினம். ஆனால், சிம்பு இனி பஞ்ச பேசாமல் இருப்பது அவருக்கு மட்டும் இல்லை, அவரை சுற்றி இருப்பவருக்கும் அது நல்லது என்பதனை காவல்த்துறை அவரிடம் கேட்டுக்கொள்கிறது. அதையும் மீறி அவர் பேசினால், அருகில் இடிதாங்கியை படப்பிடிப்பு குழு வைக்க வேண்டும் என்றும் கோருகிறோம்.”